Të gjithë ju që dëshironi të udhëtoni pa viza në ndonjërin nga shtetet e zonës Shengen, duhet të keni kujdes disa gjëra, siq janë:

Dokumentet kryesore:

• Pasaporta biometrike,
• Sigurimi shëndetësor (mund ta bleni online duke klikuar: VISA Schengen Insurance)
• Qëllimi i udhëtimit që duhet të jetë vetëm turistik dhe jo për të punuar, shkolluar apo për të jetuar në vendet e hapësirën Shengen.

Të gjithë udhëtarët duhet të mbajnë me vete adresën e familjarit apo personit të cilin do të vizitojnë pasi kjo adresë mund t’ju kërkohet nga policia kufitare e vendit Shengen ku do të kalohet.

Gjithashtu duhet të shënoni numrin e telefonit të personit apo personave që do të vizitoni, pasi nëse policia kufitare ju pyet në një gjuhë që nuk e kuptoni, atëherë mund t’i telefononi familjarit tuaj që të komunikojë me të.
(more…)

Eshtë folur e shkruar, por gjithnjë deri tani në formë të supozimeve, “duhet” të ketë libra, dorëshkrime apo dokumente të shkruara në gjuhën shqipe, të cilat janë më të hershme sesa “Formula e pagëzimit” nga viti 1462 apo nga libri i parë i shtypur në gjuhën shqipe “Meshari” nga viti 1555. Kërkimet nuk kanë rreshtur, por rezultatet deri tani kanë munguar.

Pothuajse të gjithë studiuesit që merren me kërkime dhe hulumtime shkencore, kishin shënuar Vatikanin, (Bibliotekën Apostolike apo Arkivin Sekret të Vatikanit), si një nga vendet ku do të duhej të ruheshin dokumente apo dorëshkrime të vjetra në gjuhën shqipe. Nuk ishin gabuar ata që kishin menduar kështu. Një studiues i njohur arbëresh, Nilo Borgja, i cili botoi edhe një studim të mrekullueshëm për “Perikopenë e Ungjillit” nga shek. XIV, me grafema greke e fjalë shqipe, i kishte pohuar gjuhëtarit tonë të famshëm Eqrem Çabejt, se ishte në rrugë të mirë të gjente një dorëshkrim më të vjetër se “Formula e pagëzimit” dhe se “Meshari”. (more…)

Zbulohen afër mureve të Kalasë së Elbasanit dy varre të lashta ilire, ndërkohë që Elbasani është fare pranë ngritjes së një muzeu arkeologjik.

Dy varret ilire që u zbuluan afër mureve të kalasë gjatë realizimit të projektit për të, sipas specialistëve, do të jenë objekt i ardhshëm i studiuesve të fushës së arkeologjisë. (more…)

Kosova nuk ka nevojë të jetë anëtare e Organizatës së Kombeve te Bashkuara për t’u pajisur me domain të vetin shtetëror, i kanë bërë të ditur Radio Dukagjinit zyrtar të Korporatës Ndërkombëtare të Internetit për përcaktimin e emrave dhe numrave ICAAN .

Ata bëjnë të ditur se domeni “.ks” është i lirë dhe mund t’i ndahet Kosovës.

Të gjitha vendet e rajonit kanë kod shtetëror te internetit, ndërkombëtarisht i njohur si domain. Domaini është prapashtesa e faqeve të internetit përmes së cilit identifikohet prejardhja e tyre. (more…)

Një koleksion i pikturave të piktorit të madh Pablo Pikaso, pritet që gjatë një ankandi, i cili do të organizohet më vonë gjatë këtij viti, të arrijë shumën prej 2.9 milionë euro. 57 pikturat, të cilat janë vepër e artistit të madh spanjoll, do të shiten në ankandin Sothbis, në rrugën “Nju Bond” të Londrës, më datën 16 shtator.

Xhejms Meki, nga Departamenti i shtëpisë së ankandeve Sothebis në Londër, kishte theksuar: “Ne jemi mjaft të entuziazmuar që na u dha mundësia për shitjen e këtyre veprave të Pablo Pikasos, i cili ishte karakterizuar nga lloje të ndryshme të kualitetit. Piktura të këtij lloji për një kohë të gjatë nuk janë parë në asnjë ankand. Ne po ashtu jemi shumë të lumtur që po na ofrohet mundësia për të ofruar atë që ishin cilësuar si veprat më të rëndësishme të Pablo Pikasos, që kanë dridhur mjedisin që i rrethon dhe që është puna më e çmueshme grafike e tij. (more…)

Tendenca drejt shtrirjes dhe shndërrimit të qyteteve të mëdha në rajone gjigante ose në mega-qytete është gjithnjë e në rritje dhe pritet që kjo tendencë të ketë një ndikim shumë të madh edhe në popullsinë e këtyre vendeve gjatë 50 viteve të ardhshme.

Megaqytetet në botë po shndërrohen dita-ditës në megarajone, të cilat janë shtrirë mbi qindra kilometra katrorë dhe vazhdojnë çdo ditë të “gëlltisin” hapësirat përreth. Tashmë në to jetojnë rreth 100 milionë persona dhe kjo tendencë është vazhdimisht në rritje.

Demografët e konsiderojnë këtë fenomen “qyteti i pafund” dhe bëhet fjalë për një fenomen që do të jetë shumë vendimtar në zhvillimet demografike të së ardhmes së afërt, pra të 50 viteve të ardhshme. Por ndërkohë është një ndryshim që bart me vete edhe probleme jo të vogla për sa i përket mënyrës së jetesës dhe funksionimit të ekonomisë. (more…)

Virusi me emrin Zeus i cili vjedh të dhënat bankare të përdoruesve nga kompjuterët e të cilëve ai i infekton është më i fuqishëm se kurdoherë më parë, thonë nga Agjencia për sigurinë e internetit.

Zeus 1.6 hyn në kompjuterë nëpërmes shfletuesve më të popullarizuar të internetit Mozilla Firefox e Internet Explorer, shkruan transmetuesi britanik – BBC.

Virusi vjedh informatat në atë mënyrë që regjistron prekjet në tastierë të përdoruesve në faqet e sulmuara të internetit. (more…)

Goni, Gimi dhe Genci po punonin te nje shtylle telefoni kur Gimi rreshqet, bie ne toke dhe vdes menjehere. Pasi e merr ambulanca Goni pyet Gencin se kush do i thote gruas se vet qe Gimi vdiq.
- Shkoj un, se jam i mire per kto punet sensitive – thote Genci.
Iken Genci dhe kthehet pas 2 oresh me nje arke me birra Tirana. I cuditur Goni e pyet:
- I the gruas se Gimit qe Gimi vdiq?
- Po – i thote Genci.
- Po birren ku e gjete? – pyet perseri Goni i cuditur.
- Kur i shkova te shpia i rashe deres dhe kur gruaja hapi deren e pyeta “A je ti ajo qe i vdiq burri ?”. “Jo e kam gjalle burrin me tha”, dhe un i thashe “A e veme me bast me nje arke me birra?”